ليت ذنبي غير فرقـاك واستغفـر واتـوب
كان ماخيّم فصـدري مـن الفرقـا نـزاع
سقت قلبي مـن شمالـه وسيّرتـه جنـوب
كيف اوادع وانت اخذت المودع والـوداع
خافقن يلبس لك العشـق والتحنـان ثـوب
مارضالـك بالمهونـة ولا جـاك بخـداع
كل داعي غير داعيـك ماهـو بمحسـوب
شمس ماتشرق بوصلك مهي ضي وشعـاع
وان حكوا في سيرة الحب عميان القلـوب
ضمنى في وسط عينك وخـل القـاع قـاع
وان خذاني فكري النـازح الغـر اللعـوب
ناد باسمي ويتحدّر غـروري لـك ضيـاع
وان غفى ليلـي بليـاك واعيـاه الهـروب
لك معي صوت ومواثيق واهجوسن تشـاع
والله اني جنتك وانت راضـي ومغصـوب
ذبت فعروقك وغيرت بـك كـل الطبـاع
قد غلبتك لو ماعشـت فـي يـوم مغلـوب
قل نعم وانا اعترف لك واقول انك شجاع!
رحت مع هم المسافة ومع طول الـدروب
لين شفت الـود يشـرا ولا يمكـن يبـاع
ولا انا عن صوت داعيك كيف اسلى واتوب
وانت جرح يقطع الوصل ويخون الـوداع
لـ الشاعره // أبعاد التركي
الإثنين سبتمبر 27, 2010 10:30 pm
